09:36 / 01.03.2023
2040

China Southern Airlines Pekin va Toshkent o‘rtasida parvozlarni tiklamoqda

Xitoyning China Southern Airlines aviakompaniyasi Pekin va Toshkent o‘rtasida to‘g‘ridan to‘g‘ri muntazam qatnovlarni tiklamoqda. Birinchi yo‘lovchi reysi 2023 yilning 26 martiga mo‘ljallangan.

Foto: Nicholas Williams

Reyslar Airbus A330-200 samolyotlarida haftasiga ikki marta — dushanba va juma kunlari amalga oshirilishi rejalashtirilgan.

Ayni paytda aviatashuvchi ham haftada bir marta, chorshanba kunlari Urumchi — Toshkent yo‘nalishi bo‘yicha muntazam parvozlarni amalga oshirmoqda.

Xitoyning Guanchjou shahrida joylashgan China Southern Airlines aviakompaniyasi parki hajmi bo‘yicha Osiyodagi eng yirik aviakompaniya, shuningdek, Osiyodagi eng yirik aviatashuvchi hisoblanadi.

Mavzuga oid
Top