O‘zbekiston bosh vaziri o‘rinbosari Jamshid Qo‘chqorov boshchiligidagi mamlakat delegatsiyasining Xitoyga tashrifi davomida provinsiyalarga safarlari amalga oshirildi, deb xabar bermoqda «Dunyo».
Foto: Shutterstock
Delegatsiya a’zolari kambag‘allikni qisqartirish va qishloq hududlarini rivojlantirish bo‘yicha Xitoy tajribasini o‘rganish maqsadida Xebey, Gansu va Yunnan provinsiyalari va shaharlarida bo‘lib, ushbu sohalarda amalga oshirilayotgan amaliy ishlar bilan yaqindan tanishdi.
Delegatsiyaning tashrifi davomida kambag‘allikni qisqartirish va aholi bandligini ta’minlash maqsadida turizm, savdo, qishloq xo‘jaligi, gul yetishtirish, o‘simliklardan tabiiy dorivor mahsulotlar ishlab chiqarish va boshqa sohalarda tashkil etilgan loyihalarni ko‘zdan kechirdilar.
Xitoy provinsiyalarining tajribasidan foydalanish masalasi ham muhokama qilindi.
