Muhammadiyev To‘lqin Tursunovich sog‘lig‘i tufayli o‘z xohishiga binoan «O‘zbekiston» nashriyot-matbaa ijodiy uyi direktori lavozimidan bo‘shatildi.
Kun.uz'ga ma’lum bo‘lishicha, bu nashriyot avvalroq Axborot va ommaviy kommunikatsiyalar agentligi tizimidan Maktabgacha va maktab ta’limi vazirligi tizimiga o‘tkazilgan.
“O‘zbekiston” NMIU – O‘zbekistondagi eng yirik nashriyot-matbaa ijodiy uyi hisoblanadi.
Muassasa O‘zbekiston Respublikasi qonunlari, hukumat qarorlari, rasmiy materiallar hamda normativ hujjatlarni nashrga tayyorlaydi va chop etadi. Shuningdek, ijtimoiy-siyosiy, iqtisodiy, yuridik adabiyotlar, umumta’lim maktablari, oliy va o‘rta maxsus o‘quv yurtlari uchun darsliklar, uslubiy qo‘llanma va o‘quv adabiyotlarni nashr etadi.