Madaniy meros obektlariga zarar yetkazganlik uchun jinoiy javobgarlik kuchaytirildi

Adliya vazirligi xabariga ko‘ra ko‘ra, davlat muhofazasiga olingan moddiy madaniy meros obektlarini nobud qilish, buzish yoki ularga shikast yetkazish takroran yoki xavfli retsidivist tomonidan, ko‘p miqdorda zarar yetkazgan holda, bir guruh shaxslar tomonidan oldindan til biriktirib sodir etilgan bo‘lsa, 5 yilgacha ozodlikdan mahrum qilish jazosi qo‘llanishi mumkin.

O‘sha harakatlar juda ko‘p miqdorda zarar yetkazgan holda sodir etilsa, 7 yilgacha ozodlikdan mahrum qilish bilan jazolanadi.

Ma’muriy javobgarlik to‘g‘risidagi kodeksga kiritilgan qo‘shimchalarga ko‘ra, Madaniy meros agentligi va uning hududiy boshqarmalari ko‘rsatmalarini bajarmaganlik uchun ma’muriy javobgarlik belgilandi.

Ushbu huquqbuzarlikni sodir etganlik fuqarolarga bazaviy hisoblash miqdorining 3 baravarigacha (810 ming so‘mgacha), mansabdor shaxslarga esa bazaviy hisoblash miqdori 5 baravarigacha (1 mln 350 ming so‘mgacha) miqdorda jarima solishga sabab bo‘ladi.