Xotin-qizlarga qo‘shimcha 4 foizli davlat granti asosida kvota ajratiladi

“2020/2021 o‘quv yilida O‘zbekiston Respublikasining oliy ta'lim muassasalariga o‘qishga qabul qilishning davlat buyurtmasi parametrlari to‘g‘risida”gi prezident qarori qabul qilindi. 

Oliy va o‘rta maxsus ta'lim vazirligi xabariga ko‘ra, prezident qarori bilan 2020/2021 o‘quv yili qabulidan boshlab:

Mahalla va oilani qo‘llab quvvatlash vazirligi tomonidan beriladigan tavsiyanomaga ega bo‘lgan xotin-qizlar uchun bakalavriatning kunduzgi ta'lim shakli bo‘yicha umumiy belgilangan davlat granti asosidagi qabul ko‘rsatkichlariga nisbatan qo‘shimcha 4 foizli davlat granti asosidagi qabul ko‘rsatkichlari ajratiladi.

Avvalroq, 2020/2021 o‘quv yili uchun qabul kvotalari tasdiqlangani xabar berilgandi.