Oq uy haqidagi kitobda Trampning o‘rnini kim egallashni xohlayotgani aytilgan

Maykl Vulfning «Olov va g‘azab: Trampning Oq uyida» kitobida AQShning BMTdagi doimiy vakili Nikki Heyli o‘zini davlat rahbari lavozimiga ehtimoliy nomzod sifatida ko‘rayotgani tilga olinadi. Bu haqda The Times of India xabar bermoqda.

Xabar qilinishicha, Heylidan tashqari, uning nomzodi AQSh prezidenti Donald Trampga yaqin bo‘lgan ko‘plab shaxslar tomonidan ham ko‘rib chiqilmoqda. Ularning fikricha, u amaldagi davlat rahbaridan ancha tashabbuskor va aqlliroqdir.

Vulfning so‘zlariga ko‘ra, Heyli «Tramp hukumat tepasida maksimum bir muddat qoladi» deb hisoblamoqda hamda davlat rahbari uchun kurashga kirishishi mumkinligini yaxshi tushunib turibdi.

Eslatib o‘tamiz, avvalroq WSJ Maykl Vulfning ushbu kitobiga tayangan holda Tramp sobiq maslahatchisi Ivankani «befahm g‘isht» deb atagani haqida xabar bergandi.