Markaziy bank valutalar kursini yangiladi. Dollar 323 so‘mga ko‘tarildi

O‘zbekiston Respublikasi Markaziy banki 21 avgustdan xorijiy valutalarning so‘mga nisbatan yangi qiymatini belgiladi.

Unga ko‘ra, 1 AQSh dollari 323 so‘mga ko‘tarilgan va 1 dollar 9384 so‘mga yetgan.

1 yevro kursi 301,58 so‘mga oshib, 10 393,72 so‘mni tashkil etgan.

1 rubl esa 1,67 so‘mga qimmatlashib, 140,14 so‘mga teng bo‘lib turibdi.

Eslatib o‘tamiz, valuta qiymatini belgilash chog‘ida O‘zbekiston Respublikasi Markaziy banki mazkur valutalarni ushbu qiymatda sotish yoki sotib olish majburiyatini olmagan.

Bundan oldin, 20 avgustdan tijorat banklari naqd valuta sotishni boshlagani xabar qilingandi.