Milliy mass-mediani qo‘llab-quvvatlash va rivojlantirish jamoat fondi loyihalari taqdimoti o‘tkazildi

Bugun – 2 fevral kuni Toshkentdagi Hyatt Regency mehmonxonasida Milliy mass-mediani qo‘llab-quvvatlash va rivojlantirish jamoat fondi tomonidan amalga oshirilishi rejalashtirilayotgan loyihalar taqdimoti bo‘lib o‘tdi. 

Taqdimotda jamoat fondi vasiylik kengashi raisi Komil Allamjonov, jamoat fondi vasiylik kengashi raisining o‘rinbosari Saida Mirziyoyeva, shuningdek davlat organlari va idoralari matbuot xizmatlari vakillari, ommaviy axborot vositalari xodimlari, jurnalist va blogerlar hamda xalqaro tashkilotlar vakillari ishtirok etdi.

Tadbirda jamoat fondining asosiy faoliyat yo‘nalishlari, moliyalashtirish manbalari va kelgusidagi rejalari haqida ma'lumotlar berildi.

Shuningdek, bloger va jurnalistlarga bag‘ishlangan qo‘shiq premerasi bo‘lib o‘tdi.