Buxoroda sug‘oriladigan yerni o‘zboshimchalik bilan egallab olgan shaxsga jinoiy ish qo‘zg‘atildi

G‘ijduvon tumanida sug‘oriladigan yer maydonini o‘zboshimchalik bilan egallab olish holati aniqlangan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.

Ma'lum qilinishicha, fuqaro J.X. hududdagi fermer xo‘jaliklaridan birining balansida bo‘lgan 1,2 ga sug‘oriladigan ekin maydonini o‘zboshimchalik bilan egallab, molxona qurgan hamda uning atrofini devor bilan o‘rab olgan. Ushbu holat departamentning G‘ijduvon tuman bo‘limi tomonidan o‘tkazilgan tergovga qadar tekshiruvda aniqlangan.

Holat yuzasidan Jinoyat kodeksining 229-1-moddasi (yer uchastkalarini o‘zboshimchalik bilan egallab olish) bilan jinoyat ishi qo‘zg‘atilib, tergov harakatlari o‘tkazilmoqda.