Qoʻshimcha funksionallar
-
Tungi ko‘rinish
Toshkentda chiqindi qarzi tufayli 6 ming abonentning elektr to‘lovi vaqtincha cheklandi
1044-sonli qonunga muvofiq, Toza makon billing tizimi orqali qarzdorlar ro‘yxati «Hududiy elektr tarmoqlari» AJga uzatildi. Ogohlantirilganidan so‘ng 5 kun ichida qarzini qoplamagan 6 ming abonentning elektr energiyasi uchun to‘lov qilish imkoniyati vaqtincha cheklandi.
Foto: Kun.uz
Toshkent shahri bo‘yicha 2025 yil 5 noyabr kuni chiqindi xizmati qarzdorligi 2 mlrd 239 mln so‘mga yaqin ekani sababli, jami 25 121 abonent «HET» AJning 2100 qisqa raqamidan SMS orqali ogohlantirildi. Ogohlantirish berilganidan keyin 5 kalendar kun ichida qarzini to‘lamagan 6 ming abonentning elektrga to‘lov qilish imkoniyati (onlayn/kassa orqali) bugundan vaqtincha cheklandi. Cheklov qarz bartaraf etilgan zahoti darhol olib tashlanadi.
Hozirgi paytda poytaxt kesimida chiqindi xizmatlaridan 582 mln so‘mdan ortiq debitor qarzdorlik saqlanmoqda.
Chiqindilarni to‘plash va olib chiqish xizmatlarida to‘lov intizomini kuchaytirish uchun yangi mexanizm joriy etilgan. Har oyning 3-sanasigacha qarzdorlar ro‘yxati Toza makon'dan «HET» billingiga uzatiladi.
2025 yil 30 iyungacha yuzaga kelgan qarzdorlikka cheklov tatbiq etilmaydi. 2025 yil 1 iyuldan keyin shakllangan qarzdorliklar bo‘yicha tartib 5 noyabrdan amalga qo‘llanmoqda.
Mexanizm dekabr oyidan boshlab respublika bo‘ylab qolgan hududlarda ham joriy etiladi.
Mavzuga oid
16:18 / 02.12.2025
Xizmat yo‘q, lekin to‘lov bor: 5 ta chiqindi tashish korxonasining qonunbuzarligi aniqlandi
20:22 / 30.11.2025
Namanganda chiqindidan elektr energiyasi ishlab chiqaradigan zavod qurilishi boshlandi
09:59 / 26.11.2025
Xitoy kompaniyasi Navoiyda atmosferaga zaharli chiqindilar tashlashni kamaytirish bo‘yicha loyihalarni amalga oshiradi
12:59 / 24.11.2025