Toshkent viloyatidagi «Chorbog‘» podstansiyasida nosozlik yuzaga keldi

Toshkent viloyatidagi «Chorbog‘» podstansiyasining transformatorida (T-2) nosozlik yuzaga keldi, deb xabar beradi Energetika vazirligi matbuot xizmati.

Qayd etilishicha, nosozlik natijasida Bo‘stonliq tumani iste’molchilari qisman (2 500 ta) elektr ta’minotidan uzilgan.

Ta’kidlanishicha, hozirgi vaqtda nosozlikni bartaraf etish ishlari olib borilmoqda. Ushbu nosozlik qisqa vaqt ichida bartaraf etiladi va iste’molchilarning elektr ta’minoti qayta tiklanadi.

«Keltirilgan noqulayliklar uchun iste’molchilardan uzr so‘raymiz», — deyiladi xabarda.

Avvalroq Energetika vazirligi havo haroratining keskin pasayishi tufayli gaz zapravkalar faoliyatiga qisqa muddatli cheklovlar kiritilishini ma’lum qilgandi.