Hindistonda dunyodagi eng baland temiryo‘l ko‘prigi ochildi

Hindiston bosh vaziri Narendra Modi Kashmir vodiysini mamlakatning qolgan qismi bilan bog‘lovchi Chenab temiryo‘l ko‘prigining ochilish marosimini o‘tkazdi.

Uning uzunligi 1,3 km, dengiz sathidan 359 m balandlikda joylashgan. Bu dunyodagi eng baland temiryo‘l ko‘prigidir.

«Chenab temir yo‘l ko‘prigi nafaqat arxitekturaning ajoyib qismi, balki Jammu va Srinagar o‘rtasidagi aloqani yaxshilaydi», deb yozdi Modi X ijtimoiy tarmog‘ida.

Hindiston bosh vaziri, shuningdek, Jammu va Kashmir ittifoqi hududida aloqani yaxshilashga qaratilgan Katra shahrida qiymati 460 milliard rupiy (5,4 milliard dollar) bo‘lgan infratuzilma loyihalarini ishga tushirdi.

Loyihalar «ma’naviy turizmga turtki beradi va daromad olish uchun imkoniyatlar yaratadi», deb yozdi Modi.