«Катта ўзгариш!» - Трамп Ким Чен Иннинг баёнотига муносабат билдирди

Фото: Reuters

АҚШ президенти Дональд Трамп Шимолий Корея етакчиси Ким Чен Иннинг КХДРда ядровий ва ракета синовларини тўхтатиш ҳақидаги қарорини «яхши янгилик» деб атади. Бу ҳақда у твиттердаги саҳифасида ёзган.

«Шимолий Корея ядровий синовларни тўхтатиш ва энг йирик ядро полигонини ёпишга рози бўлди. Бу КХДР ва бутун дунё учун жуда яхши янгилик – катта ўзгариш!» - дея ёзди Трамп.

Унинг қўшимча қилишича, энди Ким Чен Ин билан учрашувни кутмоқда.

Эслатиб ўтамиз, аввалроқ КХДР етакчиси Ким Чен Ин Пхеньян ядро ва ракета синовларини тўхтатаётгани, шунингдек ядровий синов майдончасини ёпаётгани ҳақида маълум қилганди.

Шунингдек, Трамп ва Ким Чен Ин қаерда учрашиши мумкинлиги маълум қилинганди.

Тайёрлаган: Отабек Матназаров

#Дональд Трамп #Ким Чен Ин #ядро қуроли