Foto: SAUL LOEB / AFP
AQSh prezidenti Donald Tramp va Shimoliy Koreya yetakchisi Kim Chen In Shveytsariyada uchrashuv o‘tkazishi mumkin. Bu haqda NBC News manbalarga asosan xabar qilmoqda.
Telekanal ma'lumotlariga ko‘ra, ikki yetakchi o‘zaro uchrashuv o‘tkazishi mumkin bo‘lgan joylar orasida Pekin, Pxenyan va Ulan-Bator tilga olingan. Biroq, bu shaharlarning bari xavfsizlik nuqtai nazaridan rad etildi.
Manbalarning iddao etishicha, AQSh rasmiy shaxslari uchrashuv uchun neytral joyni, masalan Yevropani tanlashmoqchi.
Shu bilan birga, ikki mamlakat vakillari yakuniy qarorni hali qabul qilmagani aytilmoqda. Ammo, Shveytsariya eng maqbul variantlar orasida yetakchilik qilyapti.
Eslatib o‘tamiz, avvalroq Tramp va Kim Chen In shaxsan suhbatlashgani rad etilgandi.
