Ўзбекистоннинг олтин-валюта захиралари яна ўсди

Фото: Getty Images

Ўзбекистон Республикаси Марказий банки олтин-валюта захиралари тўғрисидаги маълумотни эълон қилди.

2019 йил 1 февраль ҳолатига кўра ялпи олтин-валюта захиралари ҳажми 27,2 млрд АҚШ долларини ташкил этди.

Хорижий валюталари активлар 12,6 млрд долларга тенг бўлган бўлса, монетар олтин ҳажми эса 14,5 млрд долларни ташкил қилди.

Ўзбекистон Республикасининг олтин-валюта захиралари
млн.АҚШ долларида

Кўрсаткичлар	01.01.2018	01.01.2019	01.02.2019
I. Ялпи олтин-валюта захиралари	28 076,9	27 081,4	27 221,8
1. Хорижий валютадаги активлар	14 042,8	12 440,7	12 643,9
2. Монетар олтин	14 034,1	14 640,7	14 577,9
II. Соф олтин-валюта захиралари	26 567,5	26 394,1	26 600,2

Марказий банк изоҳида айтилишича, 2019 йил январь ойида олтин-валюта захираларининг кўпайиши қисман олтин нархининг 1281,65 дан 1322,50 долл/тр.унцияга ўсиши ҳисобига юзага келди (нархнинг олтин-валюта захираларининг кўпайишига таъсири 466,6 млн доллар).

Эслатиб ўтамиз, 2019 йил 1 январь ҳолатига кўра соф олтин-валюта захиралари ҳажми 26,3 млрд АҚШ долларини ташкил этганди.

Тайёрлаган: Отабек Матназаров

#захира #олтин-валюта