«Ўзбекнефтгаз» бошқаруви Қаршига кўчиб ўтди

«Ўзбекнефтгаз» компанияси бошқаруви Қашқадарё вилоятига кўчирилди. Бу ҳақда компания матбуот хизмати хабар қилди.

Ушбу қарор жойларда муаммо ва вазифаларни тезкор ҳал этиш, углеводород хомашёсини қазиб олишни кўпайтириш, корхоналарнинг ишлаб чиқариш фаолиятини бевосита назорат қилиш дастурининг амалга оширилиши учун қабул қилинди.

Энди «Ўзбекнефтгаз» бошқаруви Қашқадарё вилояти Қарши шаҳри Мустақиллик кўчаси 35-уй манзилида жойлашган.

Маълумот учун, «Ўзбекнефтгаз» биноси шу вақтга қадар Тошкент шаҳри Истиқбол кўчаси 21-уй манзилида жойлашган эди. Компанияга 2019 йил 14 февралидан буён Баҳодир Сиддиқов раҳбарлик қилиб келмоқда.