Тошкентда "Хитой киноси ҳафталиги" бошланди

Маданият 08 Сентябрь 2015 1991

7 сентябрь куни Алишер Навоий номидаги кино саройида «Самимий севги» картинаси намойиши орқали Ўзбекистонда "Хитой киноси ҳафталиги" бошланди.

Шунингдек, 8 сентябрь куни Хитой делегацияси вакиллари Ўзбекистон Давлат санъат ва маданият институтида ва Республика Байналмилал маданият марказида учрашувлар ўтказишди.

Бу делегация Хитой Давлат матбуот, ноширлик, радиоэшиттиришлар, телевидение ва кинематография бош бошқармаси масъулларидан иборат бўлиб, 7-10 сентябрь кунлари давомида "Хитой киноси ҳафталиги"ни ўтказиш мақсадида Ўзбекистонга ташриф буюрган.

Хитой Халқ Республикасининг юртимиздаги элчихонасининг муваққат ишлар вакили Цзо Яньхуэйнинг таъкидлашича, тадбирда намойиш этиладиган фильмлар орқали ўзбекистонлик томошабинлар оддий хитойликларнинг кундалик турмуш тарзи, қувонч ва ташвишлари билан танишишлари ва менталитет жиҳатдан хитойликлар ўзбекистонликларга қанчалар яқин эканликлигини ҳис қилишлари мумкин. Жумладан, кино кунларини очиб берган «Самимий севги» картинаси ҳаётий воқеаларга асосланган бўлиб, унда она муҳаббати ҳақида ҳикоя қилинади.

«Хитой делегацияси ўзбекистонлик ҳамкасблари билан экспертлар даражасида учрашув ўтказишни режалаштирган бўлиб, унда фильмларни биргаликда ишлаб чиқариш, Хитойда ўзбек киноси кунларини ташкил этиш ва мазкур мамлакатда ўзбек фильмлари намойишлари сонини ошириш каби масалаларни муҳокама қилиш кўзда тутилган», – дейди Цзо Яньхуэй.
Кино кунлари давомида Хитой киноижодкорлари томонидан сўнгги йилларда суратга олинган жами олти фильм намойиш этилиши белгиланган.

НАМОЙИШЛАР ДАСТУРИ
7 сентябрь
19:00. «Ҳақиқий севги» (Genuine Love) Шерзод Якуб.
8 сентябрь
17:00. «Или дарёси» (Never Look Back) Ван Жингуан.
19:00. «Маймунлар қироли» (The Monkey King), Чеанг Поу-Сой.
9 сентябрь
17:00. «Паром» (The Ferry), Вэй Ши.
19:00. «Хорижлик оқсоч» (When Peking Family Meets a Foreign Au Pair) Чэн Ган.
10 сентябрь
19:00. «Буюк уста» (The Grandmaster), Вонг Кар-Вай.

Намойишларга кириш бепул.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28716 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64759 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8088 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125172 Жамият
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 514 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 903 Жаҳон
Ўзбекистон Республикаси Олий суди турли миш-миш хабарларга раддия берди
Уқубат ва бардош тимсоли. Афғонистонда бугун мустақиллик куни (фотожамланма)
17:20 1551 Жаҳон
Кўпроқ янгиликлар