Буюк Британия полицияси тўрт нафар кишини террорчилик ҳаракати қилишга уринганликда айблаб, қўлга олди. Бу ҳақда Associated Press хабар бермоқда.

Полиция ходимининг сўзларига кўра, гумонланганлар 2 декабрь куни, тонгда қўлга олинган. Улар теракт содир этишга тайёрланишда айбланмоқда. Ҳуқуқни муҳофаза қилувчи ходимлар томонидан Лондондан 50 км узоқликда жойлашган Лутон шаҳрининг еттита жойи алоҳида-алоҳида текширилган. Тўхтатилган автомобиллар ҳам полиция томонидан текширилмоқда.

Полициянинг маълум қилишича, мазкур ҳибсга олинганларнинг Париж терактида ҳеч қандай алоқаси йўқ.