Ўзбекистонда миокард инфарктидан ўлиш даражаси 10 фоизга камайди

Ўзбекистон 07 Декабрь 2015 2582

2015 йилга келиб Ўзбекистонда ўткир миокард инфарктидан ўлиш даражасини 10 фоизга камайтириш бўйича кўрсаткичларга эришилди, деб хабар берди “Sputnik Узбекистан” нашри мухбирига Ўзбекистон Соғлиқни сақлаш вазирлигидаги манба.

Манбанинг айтишича, бунга охирги 10 йил ичида мамлакатда кардиология хизмати ягона тармоғини яратиш, шошилинч тиббий ёрдам тизими, амалиётга ташхислаш ва даволашнинг замонавий стандартларини босқичма-босқич татбиқ қилишга йўналтирилган дастурларни амалга ошириш доирасида эришилди.

Бундан ташқари, қабул қилинган дастурлар доирасида амалиётга болаларга аввалгидек 3 ёшдан эмас, балки уларнинг туғилишиданоқ кардиожарроҳлик ёрдами кўрсатиш татбиқ қилинди. Мос равишда, бу касалликларнинг олдини олиш, ташхислаш ва эрта босқичда даволашга имкон берди.

Манбанинг айтишича, бугунги кунда ўзбек кардиологлари Жанубий Корея, АҚШ, Германия, Италия, Франция ва бошқа давлатлардаги ҳамкасблари билан яқиндан ҳамкорлик қилмоқдалар. Ўзбек шифокорлари улар иштирокида операциялар, кардиожарроҳликнинг долзарб муаммолари бўйича илмий анжуманлар ўтказиб, тажриба алмашмоқдалар, уларнинг энг яхши жиҳатларини ўзлаштирмоқдалар.

Бу ҳамкорлик доирасида мамлакатимиз олимлари юрак-қон томирлари касалликлари ва болаларда туғма юрак нуқсонларини даволашнинг янги усулларини ўзлаштириб олдилар ва улардан амалиётда самарали фойдаланмоқдалар.

Юрак касалликларини даволашда яна бир муваффақиятлардан бири тиббиёт муассасаларида жаҳон стандартларига жавоб берувчи замонавий ускуналарнинг мавжудлиги ҳисобланади. Бундан ташқари, амалиётга ташхислаш ва даволашнинг юқори технологик методлари жорий қилинган. Мисол учун, Республика ихтисослаштирилган кардиология марказида охирги 5 йил ичида ангиографик қурилма билан жиҳозланган рентген-эндоваскуляр жарроҳлик бўлими ташкил этилган.

Айни пайтда марказда коронароангиография усули – юрак томирларининг торайган қисмларини аниқлаб, уларга стентлар ўрнатиш амалиёти ўтказилмоқда. Ҳар йили марказда даволашнинг бу усули минглаб касалларни даволашда қўлланади. Бу усул эвазига юракнинг энг хавфли касаллиги – миокард инфарктининг авж олиши олди олинади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30145 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42374 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158870 Жамият
Кун.uz офис изламоқда
15:48 / 06.08.2017 45035 Lifestyle
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 875 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 465 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2066 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 188 Спорт
Эрдўған Ғарбнинг Яқин Шарқдаги сиёсатини танқид остига олди
00:02 907 Жаҳон
Кўпроқ янгиликлар