2016 yilning 24 fevral kuni O‘zbekiston Respublikasi Tashqi ishlar vazirligida Kuvayt davlati favqulodda va muxtor elchisi Ahmad Xolid Abdulla Al-Jiyron bilan uchrashuv bo‘lib o‘tdi. Bu haqda O‘zbekiston TIV sayti xabar tarqatgan.
Uchrashuvda tomonlar turli sohalardagi O‘zbekiston-Kuvayt munosabatlarining holatini ko‘rib chiqishdi hamda 2016 yilda munosabatlarni yanada rivojlantirish, shuningdek BMT va boshqa xalqaro tashkilotlar doirasidagi hamkorlikning amaliy masalalari yuzasidan fikr almashishdi.