Хитой жаҳон савдоси қоидаларини АҚШ ўрнатмаслигини маълум қилди

Жаҳон 03 Май 2016 46840

Халқаро савдо қоидалари битта давлат томонидан босим остида эмас, балки барча мамлакатлар томонидан хабардорлик асосида ўрнатилиши лозим. Бу ҳақда АҚШ президенти Барак Обаманинг баёнотига жавобан Хитой Халқ Республикаси ташқи ишлар вазирлиги расмий вакили Хун Лэй маълум қилган.

Washington Post газетасида чоп этилган мақолада Обама Транс-Тинчокеани ҳамкорлиги бўйича иқтисодий келишув имзоланиши АҚШга жаҳон савдоси қоидаларини белгилашига замин яратиши, бошқа мамлакатлар ушбу қоидаларга амал қилишини билдирган эди. Президент “Савдо қоидаларини Хитой каби давлатлар эмас, АҚШ ёзиши керак”лигини маълум қилган.

“АҚШ бундан баёнотлар масаласида жуда талабчан, бироқ, улар узоқ муддатли истиқболларни инобатга олмаяпти, деб қўрқаман”, - қўшимча қилди Хун Лэй. 

Унга кўра, Хитой ТТҲ учун очиқ, чунки ТТҲ ва (Обама ўз мақоласида танқид қилган) Минтақавий ҳар томонлама иқтисодий ҳамкорлик Осиё-Тинч океани минтақасида эркин савдо зонасини яратиш жараёнида бир-бирини тўлдириши мумкин. 

АҚШ президенти ТТҲ бўйича келишувга эришилгани тўғрисида 2015 йилнинг октябрида маълум қилган. Ушбу ҳамкорлик Осиё-Тинч океани минтақасидаги аҳолиси тахминан 1 миллиард одамдан иборат бўлган 12 мамлкатни қамраб олади. 2016 йил февралда 12 давлат савдо вазирлари ТТҲ бўйича келишувни имзолади. Унинг доирасида Осиё-Тинч океани минтақасида эркин савдо зонаси ташкил этилади. 

Хитой ТТҲнинг аъзоси ҳисобланмайди. Кўплаб экспертлар бу келишув Хитойнинг савдо манфаатларига зарар келтиришини билдирган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар