ЕЧЛ. “Атлетико” финалда (Фото + Видео)

Спорт 04 Май 2016 13066

Европа Чемпионлар лигаси ярим финал жавоб ўйини доирасида “Бавария” ва “Атлетико” учрашуви бўлиб ўтди.

Жавоб ўйини бутунлай бошқача сценарий остида ўтди. Гвардиола шогирдлари юқори иштиёқ билан ўйинни бошлаб рақибга нисбатан катта босим ўтказишди. "Матрасчилар" қийинчилик билан рақиб ҳужумларини қайтариб туришди, аммо бу ярим соатга чўзилди, холос. "Атлетико" ҳимоячиси Хосе Хименес жарима майдончаси ярим айланаси ичида Алабани йиқитди. Хаби Алонсо томонидан йўллаган жарима зарбасидан сўнг тўп жонли деворда турган Хименеснинг оёғидан рекошет ҳолатда тўрга бориб тушди. 

Орадан 4 дақиқа ўтиб, ҳисоб 2:0га ўзгариши мумкин эди. Яна ўша Хименес ўз майдончаси ичида Хави Мартинесни қучоқлаб олди ва йиқитди. Буни кузатиб турган Жунайт Чақир дарҳол пенальти белгилади. Томас Мюллер йўллаган зарбани Облак қайтарди. Қайтган тўпга Алонсо етиб бориб, ўткир бурчак остида зарба берди. Дарвозабон бу сафар ҳам жамоасини голдан қутқарди. 

Мана шу фойдаланилмаган пенальти, кейинчалик маълум бўлишича, "Бавария" учун жуда қимматга тушди. Боиси, иккинчи бўлимни “Атлетико” бироз ҳужумкор бошлади ва қарши ҳужумда ҳисобни тенглаштирди. Торрес Гризманни бирга бир вазиятга чиқарди ва Антуан имкониятдан фойдаланди. 

Мазкур гол мезбонларнинг шаштини пасайтирди. Шунга қарамай, ўйин тугашига 17 дақиқа қолганида Видалнинг узатмасини Левандовски дарвозага жойлади ва “Бавария”да умидни қайта уйғотди. Ўйин тугашига 7 дақиқа қолганида Жунайт Чақир жарима майдончаси ташқарисида бузилган қоидабузалик учун “Бавария” дарвозасига пенальти белгилади. Торреснинг зарбасини Нойер қайтарди. 

Қолган дақиқаларда мюнхенликлар ҳужумлар ташкил қилди, аммо Облак ўз дарвозасини голдан сақлади. 

Шу тариқа, сафардаги гол қоидасига кўра “Атлетико” финалга чиқди!

ЕЧЛ. 1/2 финал. Жавоб ўйини.

Бавария – Атлетико 2:1 (0:1)
Голлар
: Алонсо (31), Гризманн (54), Левандовски (74).
Огоҳлантиришлар: Хименес 33, Мартинес 83.
Фойдаланилмаган пенальтилар:  Мюллер 34, Торрес 84.

Бавария: Нойер, Лам, Алаба, Боатенг, Мартинес, Алонсо, Дуглас Коста ( Комман 73), Видаль, Рибери, Мюллер, Левандовски.

Атлетико: Облак, Хуанфран, Годин, Хименес, Филипе Луис, Габи, Фернандес ( Карраско 46), Коке (Савич 90+3), Сауль, Гризманн ( Партей 82), Торрес.

Кун янгиликлари
Дайжест: Ўзбек автоларининг онлайн хариди, Остонада ўтказилаётган тарихий йиғилиш ва бошқа хабарлар
20:05 / 23.01.2017 17711 Жаҳон
Эркин иқтисодий зоналар ҳам маъмурий буйруқбозлик ва қоғозбозликдан холи эмас
19:27 / 23.01.2017 11966 Ўзбекистон
Қирғизистонлик ўт ўчирувчилар Ўзбекистондаги ёнғинни ўчиришда ёрдамлашди
19:19 / 23.01.2017 40528 Жамият
Ўзбекистонда учта янги хусусий телеканал очилади
17:22 / 23.01.2017 70690 Ўзбекистон
Японияда биринчи ҳарбий алоқа йўлдоши учирилди
13:49 27 Жаҳон
Volkswagen "дизель можароси" туфайли 652 дилерга 1,2 миллиард доллар тўлаб беради
«Нақд пуллар ўлими» қачон юз беради?
ОАВ: АҚШ Британия ракетасининг муваффақиятсиз синови ҳақидаги маълумотни ошкор қилмасликни сўраган
13:18 786 Жаҳон
Нукус жамоат транспортларидаги йўл ҳақи нақд пулсиз бўлади
13:08 1775 Жамият
Наманганда Суд департаменти автотранспорт воситалари арзон нархларда сотувга қўйилган ярмарка ташкил этди
Кўпроқ янгиликлар