10:11 / 04.07.2016
5697

AQShning Jidda shahridagi bosh konsulligiga noma'lum kimsa hujum uyushtirdi

Saudiya Arabistoni podshohligining «iqtisodiy poytaxti» Jidda shahri mahalliy xavfsizlik kuchlari, AQShning bosh konsulligi binosi yonida portlovchi moslamani ishga tushirmoqchi bo‘lgan shaxsni otib o‘ldirdi, deb xabar qilmoqda Sky News Arabia.

Qayd etilishicha, qurollangan erkak Amerika konsulligining binosiga hujum qilmoqchi bo‘lgan. Shu sabab, xavfsizlik kuchlari o‘qotar quroldan foydalanishga majbur bo‘lishgan va jinoyatchini otib tashlashgan. 

Ayni vaqtda, surishtiruv ishlari olib borilmoqda. Politsiya xodimlaridan jabrlanganlar bor-yo‘qligi hamda yetkazilgan talofatlar haqida xabarlar yo‘q. 
 

Top