Туркиянинг Элязик шаҳрида амалга оширилган йирик қўпорувчилик амалиётда жабрланганлар сони 146 нафарни ташкил этмоқда, деб хабар қилган СNN Turk Твиттердаги саҳифасида.

Аввалроқ, Туркия шарқидаги шаҳрида рўй берган портлашда 3 кишининг ҳалок бўлгани ва 50 нафардан ортиқ одамнинг жароҳатлангани хабар қилинган эди. 

Сўнгги маълумотларга кўра, портловчи мослама автомобилга жойланган бўлиб, айни номдаги вилоят полиция бошқармаси ёнида ҳаракатга келтирилган. 

Бундан олдинги хабарларда 17 августнинг иккинчи ярмида Туркиянинг Ван провинциясида юз берган портлаш натижасида уч киши ҳалок бўлиб, яна 71 киши жароҳатлангани ҳақида айтилганди.