14:52 / 18.08.2016
20126

Turkiyada 12 soat ichida ikkinchi yirik terakt: Jabrlanganlar soni 150 nafarga yaqinlashdi

Turkiyaning Elyazik shahrida amalga oshirilgan yirik qo‘poruvchilik amaliyotda jabrlanganlar soni 146 nafarni tashkil etmoqda, deb xabar qilgan SNN Turk Tvitterdagi sahifasida.

Avvalroq, Turkiya sharqidagi shahrida ro‘y bergan portlashda 3 kishining halok bo‘lgani va 50 nafardan ortiq odamning jarohatlangani xabar qilingan edi. 

So‘nggi ma'lumotlarga ko‘ra, portlovchi moslama avtomobilga joylangan bo‘lib, ayni nomdagi viloyat politsiya boshqarmasi yonida harakatga keltirilgan. 

Bundan oldingi xabarlarda 17 avgustning ikkinchi yarmida Turkiyaning Van provinsiyasida yuz bergan portlash natijasida uch kishi halok bo‘lib, yana 71 kishi jarohatlangani haqida aytilgandi.

Top