Қирғизистон президенти мамлакат конституциясини ўзгартириш лозим деб ҳисоблайди

Жаҳон 31 Август 2016 4209

Қирғизистон президенти Алмазбек Атамбаев конституцияга ўзгартириш киритишгина республикага чин маънода мустақил бўлишга имкон беради, деб ҳисоблайди. 

Июль ойида ҳукмрон парламент коалициясига кирувчи бир неча партиялар Қирғизистон конституциясига ўзгартириш киритиш таклифи билан чиқишди. Президент Атамбаев ушбу ташаббусни қўллаб-қувватлади. Бироқ мамлакатдаги бир қатор сиёсатчилар президент атрофидаги кишиларни ҳокимиятни ўз қўлида сақлаб қолиш манфаати йўлида Асосий қонунни қайта яратишга уринишда айблаб, бу ғояни қўллаб-қувватлашмади.

“Агар биз мамлакатимиз буткул мустақил бўлиши, Қумторни (йирик олтин кони) ўғирлаганлар қонун олдида жавоб бериши, суд ва ҳуқуқни муҳофаза қилиш органлар ислоҳоти охирига етказилиши, ҳукумат эса ҳар йили ўзгармай, барқарор фаолият юритишини истасак, у ҳолда конституцияни ўзгартириш керак”, - деди Атамбаев мамлакат Мустақиллигининг 25 йиллигини нишонлаш муносабати билан ўтказилган байрам тадбирида.

Президентнинг таъкидлашича, 2010 йилда давлат тўнтарувидан кейин қабул қилинган конституцияда “авторитар режим яратиш учун барча шароитлар яратилган”. “Бу конституция муаллифларидан бирининг руҳий ҳолатидан келиб чиққан. Шу боис ҳам энг аввало уни ўзгартириш керак”, - деди у. 

Сўнгги 25 йил ичида Қирғизистон конституцияси саккиз марта ўзгарган. Конституциянинг жорий таҳририяти Венеция комиссияси томонидан тасдиқланган ва халқ референдумида қабул қилинган. Унда мамлакат Асосий қонунини 2020 йилгача ўзгартиришни тақиқловчи пункт бор. Жорий ўзгаришлар ташаббускорлари мамлакат бош вазирининг ваколатини кучайтириш ҳамда депутатлик фаолиятини бош вазир ёки бош вазир ўринбосари лавозими билан бирга олиб боришга имкон яратишни таклиф қилишмоқда. Мамлакатнинг суд тизими ва конституцион суд фаолиятига доир бўлимларга сезиларли ўзгаришлар киритиш кўзланмоқда. 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53747 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69324 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36487 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20997 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61409 Жамият
«Раҳбарларимиз ишончини оқлаб ишлашда давом этаман». Фарғоналик мудира барчасини рад этди
Терракота армияси яратилиши сири очилди
22:33 1047 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 688 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 502 Жамият
Кўпроқ янгиликлар