ABS News телеканали ва The Washington Post газетаси АҚШ аҳолиси ўртасида ўтказган сўровномалар тарихида ҳозирдагидек АҚШ президенти лавозимига номзодлар Хиллари Клинтон ва Дональд Трампчалик нооммавий сиёсатчилар бўлмаган.

Сўровномага кўра, респондентлардан 56 фоизи Клинтонга, 63 фоизи Трампга салбий муносабатда эканликларини айтганлар. Рўйхатга олинган сайловчилар орасида рақамлар қуйидагича тақсимланди: 59 фоиз аҳоли Клинтон, 60 фоизи эса Трамп ҳақида яхши фикрда эмас.  

24-28 август кунлари ўтказилган сўровномада 1020 киши иштирок этди. 

Бунгача энг нооммавий сиёсатчи 1992 йилги президентлик сайловларидан олдин Жорж Буш бўлган. Натижада у сайловларни ҳам ютқазиб қўйган.