АҚШ президенти лавозимига номзод Дональд Трамп президентлик сайловлари бўйича рақиби Хиллари Клинтоннинг тарафдорларига ҳурмат билан қарашини айтди.

Аввалроқ Клинтон Трамп тарафдорлари ҳақида кескин сўзлар айтиб, уларни ирқчилар, жинсий устунлик тарафдорлари, ксеноофоблар ва "раҳм-шафқатга муҳтож одамлар" деб атаганди.

Кейинроқ Клинтон ушбу сўзлари учун узр сўраган, бироқ унинг сўзлари можаро келтириб чиқаришга улгурган.

"Хиллари менинг тарафдорларим ҳақида даҳшатли сўзлар айтмоқда, мен эса уни қўллаб-қувватловчилардан кўпчилиги мен учун ҳеч қачон овоз бермаса ҳам барибир уларни ҳурмат қиламан", деб айтган Трамп Клинтоннинг сўзларига жавобан.

Трампнинг айтишича, Клинтоннинг бундай кескин сўзлари унинг анчагина сайловчилар овозини йўқотишига олиб келиши мумкин.