Лавров: Сурия ҲҲК БМТ гуманитар карвонига ҳужум қилиши мумкин эмас

Жаҳон 21 Сентябрь 2016 5592

Сурия ҳарбий ҳаво кучлари самолётлари Ҳалаб яқинидаги инсонпарварлик юклари олиб кетилаётган автокарвонга ҳужум қилиши мумкин эмас, чунки улар қоронғу вақтда бомбардимон қилиш имкониятига техник жиҳатдан эга эмас, деб баёнот берган Россия ТИВ раҳбари Сергей Лавров.

19 сентябрь, сешанбага ўтар кечаси Сурия Араб Қизил яримой жамияти ва БМТ гуманитар ташкилотлари ҳамкорликда ташкил этган инсонпарварлик юклари ортилган автокарвон Ҳалаб шаҳридан шимоли-ғарбда Урум ал-Кубро ҳудудида ўққа тутилган эди. Мазкур йўналиш Дамашқ ва қуролланган мухолифат билан келишилган бўлган. Халқаро Қизил хоч жамияти Сурия араб Қизил яримой жамиятининг бир ходими ва камида 20 нафар кўнгиллилар ҳалок бўлганини маълум қилган. 

АҚШ фикрича, карвонга ҳаво зарбаларини ёки Сурия ҳукумат қўшинлари ёхуд Россия ҳарбий космик кучлари берган бўлиши мумкин. Шу билан бирга, Вашингтон "ҳар қандай вазиятда" жавобгарлик Москва зиммасида деб ҳисобламоқда. 

Дамашқ ва Москвага нисбатан айбловнинг илгари сурилишини Россия президенти матбуот котиби Дмитрий Песков асоссиз деб баҳолаганди. 

"Бизнинг ҳарбийларимиз аллақачон, бизнинг авиация у ерда фаолият кўрсатмагани ҳақида баёнот бериб бўлишди. Сурия авиацияси эса, тунги вақт бўлгани боис, зарба бера олмас эди. Чунки, улар қоронғу вақтда учишлари учун имкониятга эга эмас. Ҳужум гуманитар юклар шарқий Ҳалабда туширилаётган вақтда юз берган", — деган Сергей Лавров "Россия-1" телеканалида.

Россиялик ҳарбий экспертлар воқеа жойида олинган суратларни ўрганиб, карвонга снарядлар тушганига оид аломатларни топишмаган. Видеолавҳаларда ёнғин излари бўлиб, у "Жабҳат ан-Нусра" террорчилик ташкилотининг Ҳалаб шарқига ҳужумини бошлаган вақтига тўғри келган. 

Россия бир неча маротаба, Суриядаги авианишонларни танлашда разведка маълумотларини диққат билан ўрганиб чиқишини билдирган. Бундан аввал ҳам, Россия ҲКК самолётларининг фуқаролик иншоотларига зарба бергани тўғрисидаги хабарлар ҳам бир неча марта ўз тасдиғини топмади. 
 

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6740 Ўзбекистон
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 24325 Жаҳон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56618 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37786 Ўзбекистон
Кун.uz офис изламоқда
15:48 / 06.08.2017 38817 Lifestyle
Асака туманида тергов идорасидан яшириниб юрган шахс қўлга олинди
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 888 Спорт
Кўпроқ янгиликлар