Дублин шаҳрида минглаб кишилар Ирландиядаги аборт бўйича қатъий тартибларга қарши намойишларга чиқди. Бундай ҳаракатлар дунёнинг яна 20 шаҳрида ўтказилди.

"Би-би-си" хабарига кўра, Берлин, Мельбурн ва Лондон каби йирик шаҳарларда ҳам ирланд диаспоралари кўчаларга чиққан.

Қайд этилишича, намойишчилар абортни тақиқлаш бўйича қонунни бекор қилиш масаласида референдум ўтказишга чақирмоқда.

Ирландия қонунчилигига кўра, ҳомиладор аёлнинг ҳаётига хавф туғилган тақдирдагина абортга рухсат берилади.

Шу йилнинг март ойида Варшавада юзлаб аёллар абортлар масаласидаги чекловларни бекор қилиш талаби билан намойиш ўтказганди.