Қонунчилик палатасига “Маъмурий қамоқни ўташ тартиби тўғрисида”ги Қонун лойиҳаси киритилди

Ўзбекистон 17 Октябрь 2016 12043

Олий Мажлис Қонунчилик палатасига Вазирлар Маҳкамаси томонидан қонунчилик ташаббуси асосида Ўзбекистон Республикасининг “Маъмурий қамоқни ўташ тартиби тўғрисида”ги Қонун лойиҳаси киритилди.

Қонун лойиҳаси Олий Мажлис Қонунчилик палатаси Кенгаши томонидан кўриб чиқилиб, маромига етказиш ва ялпи мажлис кун тартибига киритиш учун палатанинг Қонунчилик ва суд-ҳуқуқ масалалари қўмитаси масъул этиб белгиланди.

Қонун лойиҳаси маъмурий қамоқни ўташ тартиби билан боғлиқ бўлган муносабатларни ҳуқуқий тартибга солиш, маъмурий қамоқни ўташ принциплари, тартиби, маъмурий қамоққа олинган шахсларнинг ҳуқуқий ҳолати, қонуний манфаатларини белгилаб бериш, шунингдек, уларда бошқа шахсларнинг ҳуқуқлари, эркинликлари ва манфаатларига, жамият ва давлат манфаатларига, умумқабул қилинган анъаналарга нисбатан ҳурмат билан муносабатда бўлиш руҳини шакллантириш мақсадида ишлаб чиқилган.

Лойиҳада маъмурий қамоқ ўташнинг асослари, маъмурий қамоққа олинган шахсларни сақлаш учун махсус қабулхоналарнинг, шунингдек, маъмурий қамоққа олинган шахсларнинг ҳуқуқий ҳолатини, маъмурий қамоққа олинган шахсларни махсус қабулхоналарда қабул қилиш, жойлаштириш ва сақлаш тартибини, Олий Мажлиснинг Инсон ҳуқуқлари бўйича вакилининг (омбудсманнинг) махсус қабулхонага ташриф буюриш қоидалари каби бир қатор меъёрлар акс эттирилган.

- Маъмурий жавобгарлик тўғрисидаги кодексда маъмурий қамоқни ўташ қонунда белгиланган қоидалар асосида амалга оширилиши назарда тутилиши кўрсатилган бўлишига қарамай амалдаги норматив-ҳуқуқий ҳужжатлар билан маъмурий қамоқни ўташнинг аниқ қоидалари, маъмурий қамоқ кўринишидаги жазони ўтайдиган жойлар ва уларнинг ҳуқуқий ҳолати белгилаб берилмаганлиги сабабли мазкур қонун лойиҳаси қонунчиликдаги ушбу бўшлиқларни тўлдиришга хизмат қилади, - дейди Қонунчилик ва суд-ҳуқуқ масалалари қўмитаси аъзоси Бунёджон Эшонқулов.

Ушбу қонун лойиҳаси Қонунчилик палатасининг жорий йил 20 октябрь куни ўтказилиши кутилаётган ялпи мажлисида депутатлар томонидан биринчи ўқишда кўриб чиқилади.

Манба: parliament.uz

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 56480 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 5639 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 113503 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 11072 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21243 Ўзбекистон
Абдулазиз Комилов бошчилигидаги делегация Ҳиндистонга боради
Чипта баҳона 9 миллион сўмни «ухлатган» фирибгар қўлга олинди
12:00 878 Жамият
Фото: Америка нашрлари Трампни ку-клукс-клан тарафдори сифатида тасвирлади
11:50 905 Жаҳон
Фото: Улуғнорнинг антиқа «Қўзивой» тарвузи
11:40 2857 Жамият
Фоторепортаж: Фарғона вилоятида ноқонуний чиқиндихоналарга барҳам берилмоқда
11:30 1020 Жамият
Кўпроқ янгиликлар