Хитой шимолида 300дан ортиқ бола заҳарланди

Жамият 19 Октябрь 2016 4121

Хитой шимолида 300 нафардан зиёд мактаб ўқувчиси овқатдан заҳарланди. Уларнинг 74 нафари шифохонага ётқизилган. Бу ҳақда “Синьхуа” агентлиги хабар бермоқда.

Агентлик маълумотига кўра, воқеа Хэбэй провинциясининг Чжэндин шаҳридаги бошланғич мактабда рўй берган. 27та синфдаги ўқувчилар заҳарланган. Ушбу мактабда умумий ҳисобда 35та синф фаолият олиб боради.

Хабар қилинишича, ўқувчилардан 74 нафари ўткир заҳарланиш туфайли шифохонага ётқизилган, уларнинг ҳаётига жиддий хавф йўқ.

Таҳлилларнинг кўрсатишича, мактаб ўқувчилари овқатдан заҳарланган. Ҳукумат воқеа тафсилотларини ўрганмоқда.

Кўпроқ янгиликлар