Tramp: Klinton AQShni Uchinchi jahon urushiga yetaklaydi

AQSh prezidentligi uchun Respublikachilar partiyasi nomzodi Donald Trampning bayonot berishicha, uning demokratlar partiyasidan raqibi Hillari Klinton prezidentlikka saylangudek bo‘lsa, mamlakatni Uchinchi jahon urushiga boshlashi mumkin. Tramp Reuters agentligiga bergan intervyusida shunday fikrni ilgari surgan.

«Klintonning Suriya bo‘yicha rejasi yo‘q. U davlat rahbari bo‘lsa, hammasi Uchinchi jahon urushi bilan tugaydi. U nima qilayotganini bilmaydi, xuddi Liviyada bilmaganidek, boshqasida ham shunday», — degan Tramp.

Avvalroq, Klinton siyosiy raqibi Trampni mamlakat bo‘ylab 5 foizga ortda qoldirayotgani va Amerika OAV Klinton g‘alabasini taxmin qilayotgani haqida xabar qilingan edi.