(Photo: Twitter)

8 ноябрь куни Twitter ижтимоий тармоғи фойдаланувчилари АҚШ президентлик сайловлари куни 75 млн маротаба ушбу мавзуда твит қилишган, деб хабар қилмоқда USA Today нашри.

Шундай қилиб, тармоқ фойдаланувчилари 2012 йилги сайлов кунида ўрнатилган рекордни янгилашди. Ўшанда 31 млн марта твит ёзилган эди. 

Ўз навбатида, Facebook ижтимоий тармоғи ҳам сайловлар кунига оид ҳисоботини эълон қилган. Унга кўра, 8 ноябрда фойдаланувчилар 716 млн мартага яқин сайлов мавзусида хабар, изоҳ қолдиришган ёки “ёқди” тугмачасини босишган.