Foto: AP
Hindistonning Nabxa deb nomlanuvchi qamoqxonasiga qurollangan o‘nlab odamlar hujum qildi va u yerdan besh nafar mahbusni ozodlikka chiqarib yuborishdi. Bu haqda ANI agentligi xabar bermoqda.
"Nabxa qamoqxonasiga qurolli hujum qilgan o‘n nafar erkak politsiyachi kiyimida bo‘lgan. Ular 100 marta o‘q uzishgan. Voqea joyida politsiya xodimlari ishlamoqda, surishtiruv olib borilyapti", — deb xabar bermoqda agentlik Twitter’dagi o‘zining rasmiy sahifasida.
Ma'lumotlarga ko‘ra, politsiya va harbiylar mamlakat shimolida joylashgan Anantnag okrugi, Paxalgam shahrida qidiruv ishlarini olib borishmoqda.
