Toshkentdagi avtobus bekatlarda elektron tablolar paydo bo‘ldi

Toshkentning bir qancha bekatlarida avtobuslar harakati jadvali haqida aniq ma'lumot berib turuvchi ma'lumot tablolari o‘rnatildi.

«Toshshahartransxizmat» ma'lumotiga ko‘ra, bugunga kelib mazkur tablolar 6-tug‘uruqxona (Taraqqiyot ko‘chasi), sobiq Bolalar dunyosi (Shahrisabz ko‘chasi), Grand Mir Hotel mehmonxonasi (Shota Rustaveli ko‘chasi) va sobiq «Chimyon» (Buyuk ipak yo‘li ko‘chasi) yonidagi bekatlarda o‘rnatilgan.

Tabloda avtobus harakatlari jadvalidan tashqari, poytaxt ob-havosi va valyuta kurslariga oid ma'lumotlar berib boriladi. Tablo 24 soat davomida uzluksiz ishlaydi. Jamoat transporti haqidagi ma'lumotlar 06:00dan 23:00gacha ko‘rsatib boriladi.