Афғонистоннинг Нангархор вилоятида АҚШ ҳарбий-ҳаво кучлари дрони авиазарбаси натижасида ИШИДнинг камида 16 жангариси йўқ қилинди. Бу ҳақда Hama Press ахборот агентлиги маълум қилди

Ахборот агентлиги маълумотларига кўра, операция давомида жангариларга тегишли бўлган қурол-аслаҳа, ўқ-дори ва портловчи моддалар йўқ қилинган.  

Мутахассисларнинг таъкидлашича, охирги вақтда жангариларнинг Афғонистоннинг шарқий ва жанубий вилоятлари – Логар, Нангархор, Гилманд ва шимолий вилоятлари – Қундуз, Жаузжон ва Парвонада анча мустаҳкамланиб олгани кузатилмоқда. Шу билан бирга "Толибон" ҳаракатининг борган сари кўпроқ дала қўмондонлари ва жангарилари ИШИДга содиқликка қасамёд келтиришмоқда.