Филиппин президенти Родриго Дутерте АҚШнинг Филиппинга ёрдам беришни тўхтатиш режаларини танқид қилди, деб хабар бермоқда Associated Press ахборот агентлиги. 

"Қонга қон, жонга жон. Агар сиз буни қила олсангиз, биз ҳам шундай қила оламиз. Бу бир дарвозага ўйнаш эмас. Хайр-Хайр, Америка", деб айтган Дутерте.

Аввалроқ АҚШ Дутертенинг сиёсати юзасидан хавотирланаётгани сабабли Филиппинга молиявий ёрдамни узайтирмаслиги маълум бўлганди. Дутерте бунга жавобан Филиппин "АҚШ пулисиз ҳам яшай олишини" айтган ва Филиппиндаги АҚШ қўшинларига мамлакатни тарк этишни тавсия қилган.