Миср генерали: Россия элчисининг ўлдирилиши Эрдўған сиёсатига қарши қаратилган

Жаҳон 20 Декабрь 2016 9811
Фото: © AP

Душанба 19 декабрь куни Россиянинг Туркиядаги элчисига Анқарада суиқасд қилиниши, биринчи навбатда, Туркия президенти Эрдўған сиёсатига қарши қаратилган эди. У Россия билан қалин алоқаларни қайта йўлга қўйган эди, деб фикр юритмоқда Миср давлат хавфсизлиги раҳбарининг собиқ ўринбосари, бригада генерали Фуад Аллам. 

"Бу, ҳаммасидан ҳам аввал, Эрдўған ҳокимиятига қарши қаратилган. Дастлаб, унинг Россия билан алоқалари кескинлашган, бироқ, кейинчалик, у бу муносабатларни яхшилади", — деган генерал РИА Новости агентлигига.

Генералнинг сўзларига кўра, Россия вакилига ҳужум Туркия ҳукуматининг армия, махсус хизматлар ва полиция сафида ўтказган тозалаш амалиёти билан боғлиқ бўлиши ҳам мумкин. Натижада, ушбу тузилмаларнинг собиқ ходимлари амалдаги ҳукуматга душманона кайфиятини сақлаб қолган. 

"Туркия – ухлаб ётган вулқон, у исталган вақтда отилиши мумкин. Айниқса, Эрдўған давлат тўнтаришига уринишдан сўнг Туркия армиясида амалга оширган тозалашлардан кейин, бу янада кучайди. ... Эрдўған ҳаракатлари барибир ўзининг салбий оқибатларига эга бўлади, бу мамлакатдаги вазият ўта беқарор", — деган Фуад Аллам. 

Айни чоғда, бошқа бир мисрлик эксперт, Миср Олий ҳарбий академияси маслаҳатчиси, генерал Маҳмуд Халафнинг фикрича, россиялик элчининг ўлдирилиши, Туркия хавфсизлик тизимида нуқсонлар борлигини кўрсатади. 

"Бу Анқарада юз берди… Элчига шунчалик осонлик билан яқинлашиш хавфсизликни таъминлаш борасида ҳаммаси кўнгилдагидек эмаслигини англатади. Ахир, хорижий дипломатик ваколатхоналарни ҳимоя қилиш ҳар бир давлатнинг асосий вазифаларидан биридир", — деган эксперт.

19 декабрда Россиянинг Туркиядаги элчиси Андрей Карловга фотокўргазма очилиши чоғида ўқ узилган эди. Махсус амалиётда ўлдирилган қотил Мавлут Мард Олтинтош Туркия полициясида 2,5 йил ишлаган. 

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар