Нью-Йоркка ташриф буюрувчи сайёҳлар сони рекорд даражага етди

Жамият 20 Декабрь 2016 3416
Фото: © AP

АҚШнинг энг катта шаҳри бўлган Нью-Йоркка жорий йилнинг 11 ойида 60 миллиондан ортиқ сайёҳ ташриф буюрди. Мегаполис ҳукуматининг хабар беришича, йил ҳали тугалланмаганига қарамай, шу кўрсаткичнинг ўзиёқ рекорд натижа ҳисобланади. Ўтган йили Гудзонга 59 миллиондан зиёд сайёҳ ташриф буюрган. ТАСС агентлиги шу ҳақида маълум қилди. 

Нью-Йорк маъмуриятида таъкидланишича, дунёдаги энг машҳур мегаполислардан бирига ташриф буюрувчи меҳмонлар сони етти йилдан бери кетма-кет камида миллион нафарга кўпаймоқда. 

Мегаполис рекламаси билан шуғулланувчи NYC & Company ташкилоти раҳбари Фред Диксоннинг сўзларига кўра, бу йил шаҳар меҳмонларини асосан Озодлик ҳайкали, "Эмпайр-стейт билдинг" осмонўпар биноси, Марказий парк, 2001 йил 11 сентябрь терактлари қурбонлари хотирасига барпо этилган мемориал ва Бродвей театр шоулари қизиқтириб келмоқда. 

Сайёҳлар нафақат Манхэттен, балки шаҳарнинг бошқа жойлари - Бруклин, Бронкс, Куинс ва Стейтен-Айлендни ҳам зиёрат қилишмоқда. 

Нью-Йорк ҳукумати тақдим этган статистикага кўра, жорий йилда шаҳарга ташриф буюрган сайёҳларнинг 80 фоизи мамлакатнинг бошқа штатларидан ташриф буюрган америкаликлардир. Хорижий сайёҳларнинг умумий сони эса сўнгги 11 ойда 12 миллион кишидан ошди - бу ҳам рекорд натижа сифатида қайд этилди. 

Манбага кўра, ташриф буюрганлар орасида британияликлар кўпчиликни ташкил қилган, иккинчи ўринда Хитой фуқаролари жойлашган, улардан кейинги ўринларда эса - канадаликлар ва бразилияликлар.

 

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49153 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102801 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52862 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9820 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20506 Ўзбекистон
Цукерберглар оиласида иккинчи фарзанд дунёга келди
08:39 126 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1363 Жаҳон
Барселонадаги терактга алоқадор бўлган барча террорчилар йўқ қилинди
07:52 1125 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1062 Спорт
Трампни руҳшуносга юбориш таклиф этилди
07:32 2359 Жаҳон
Кўпроқ янгиликлар