Хитойда йирик кўмир компанияси собиқ раҳбари 13,5 йилга қамалди

Жаҳон 23 Декабрь 2016 2329
Фото: AP

Хитойнинг йирик кўмир компанияси - Shanxi Coking Coal Group Co. директорлар кенгаши собиқ раиси Бай Пэйчжун 13 ярим йилга озодликдан маҳрум этилди. У 35 миллион юань миқдорида (тахминан беш миллион доллар) пора олган. Бу ҳақда Caixin нашри ёзмоқда.

Цзянсу вилоятидаги Сучжоу шаҳри судига кўра, Бай Пэйчжун 2001-2011 йилларда кўмир шартномаларини имзолаш ва ўз шерикларини хизмат поғоналарида кўтариш учун пора олган. Суд у уч миллион юань миқдорида жарима пули тўлаб бериши кераклиги ҳақида ҳам қарор чиқарди.

Бай Пэйчжунга қарши коррупция бўйича суриштирув ишлари 2011 йилнинг ноябрида унинг уйини ўмариб кетишгач бошланди. Ўшанда уйдан 50 миллион юанлик қийматга эга қимматбаҳо буюмлар, жумладан олтин ёмбилари, нақд пуллар, заргарлик тақинчоқлари ўғирлаб кетилгани хабар қилинганди. Бироқ, полиция суд эшитувларида Shanxi Coking Coal Group Co раҳбарининг уйидан ўмарилган буюмлар қиймати атиги 10 миллионни ташкил этганини маълум қилган.

Суд дастлабки тергов жараёнини бузгани учун тўрт нафар полициячини 6 дан 12 йилгача озодликдан маҳрум этган. Таъкидланишича, қора курсига ўтирган ҳуқуқни муҳофаза қилиш орган ходимлари Бай Пэйчжунга иш кўриб чиқилиш жараёнида ўғирланган буюмлар қийматини тушириб беришга ёрдам беришган. Бу ҳукумат уни коррупцияда гумон қилмаслиги учун ўйлаб топилган найранг эди.

Бундан ташқари, суд Бай Пэйчжуннинг ўринбосари - Ляо Шуаньчжуни 16 йилга озодликдан маҳрум қилди. У 13,4 миллион юань миқдорида пора олган.

Эслатиб ўтамиз, мамлакатда Си Цзиньпин 2012 йилда ҳукумат тепасига келгач, коррупцияга қарши кенг қамровли кураш кампанияси бошланди. Ўшандан бери минглаб амалдорлар партия тартиб-интизомини бузгани ва коррупцияда айбланиб жазога тортилди.
 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 12427 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 66976 Жамият
Кун.uz офис изламоқда
15:48 / 06.08.2017 36888 Lifestyle
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 374 Иқтисодиёт
Германияда жўнатмалар ўз эгаларига Ford электр фургонларида етказилади
23:50 / 16.08.2017 277 Технология
Президент таълим тизимидаги ислоҳотларнинг бориши бўйича мажлис ўтказди
23:49 / 16.08.2017 2893 Ўзбекистон
АҚШнинг собиқ президентлари Шарлоттсвилл воқеаларига муносабат билдиришди
23:46 / 16.08.2017 810 Жаҳон
Туркия Германиядан FETÖ раҳбарларидан бирининг топширилишини талаб қилмоқда
23:42 / 16.08.2017 468 Жаҳон
Ўзбекистон ва Қирғизистон чегараси ҳудудидаги зиддиятлар камаяди
23:40 / 16.08.2017 1544 Ўзбекистон
Кўпроқ янгиликлар