Halabda ommaviy qabrlar topildi

Suriyaning Halab shahrida bir necha o‘nlab, qiynoqlarga solingan odamlar va qasos sifatida o‘ldirilgan suriyaliklar dafn qilingan ommaviy qabrlar topilgan. Bu haqda Rossiya mudofaa vazirligi rasmiy vakili general-mayor Igor Konashenkov bayonot bergan.

"Ko‘pchiligida tana a'zolari yo‘q, ayrimlarining boshiga o‘q uzilgan. Va bu ko‘rinishidan boshlanishi", — degan Konashenkov. 

Konashenkovning qayd etishicha, ushbu holatlarning barchasi terrorchilarning og‘ir harbiy jinoyatlari sifatida hujjatlashtirilmoqda va yaqin orada ommaga oshkor qilinadi. "Muxolifatchilarning London va Parijdagi homiylari o‘zlarining qaramog‘idagilar aslida kim ekanini yaxshi bilib olishadi hamda ularning vahshiyliklari uchun oz bo‘lsa-da mas'uliyatni his qilishardi".

"Sharqiy Halabda topishning iloji bo‘lmayotganlar, bular "Oq kaskalilar"ning "ko‘ngilli-qutqaruvchilari"dir", — deb qayd etgan Rossiya mudofaa vazirligi rasmiy vakili. 

Konashenkovning ma'lum qilishicha, shaharda 7ta o‘q-dorilar omborxonasi, uchta tank, ikkita zambarak hamda ikkita reaktiv o‘t ochish tizimi aniqlangan. Halab shahri ko‘chalari, binolarga kirish qismi, avtomobillar va hatto bolalar o‘yinchoqlari ham minalashtirilgan. 

"Oq kaskalilar" — Suriyaning nohukumat tashkiloti bo‘lib, Rossiyaning uqdirishicha, "Jabhat an-Nusra"ga yaqin hisoblanadi va Britaniya hukumati tomonidan moliyalashtiriladi.