Ukrainaning sobiq prezidenti Maydan shtabi qayerda bo‘lganini aytdi

Ukrainaning sobiq prezidenti Viktor Yanukovich Kiyevda 2014 yilda davlat to‘ntaruvini tayyorlash va amalga oshirish bo‘yicha shtab AQSh elchixonasida joylashganini aytdi. Bu haqda 27 dekabrda Oliy rada sobiq deputati Vladimir Oleynik ma'lum qilgan. 

Yanukovich mamlakat rahbariyatiga Yevropa Ittifoqi bilan birlashish haqidagi kelishuvni imzolash rad etilgandan keyin jiddiy bosim o‘tkazilganini aytgan. "U kim bosim o‘tkazganini aniq aytmadi, biroq davlat to‘ntaruvi shtabi AQSh elchixonasida bo‘lganini aytdi", deb ta'kidlab o‘tdi Oleynik.

Avvalroq Moskvaning Dorogomilov sudi Maydanni davlat to‘ntaruvi deb tan olgandi. Sud jarayonida Ukrainaning sobiq amaldorlari, jumladan Yanukovich ham so‘roq qilingan. 

Da'vo arizasini ko‘rib chiqish 15 dekabrda boshlangan, sobiq deputat Oleynik esa 2014 yil Ukrainadagi voqealarni davlat to‘ntaruvi deb tan olishni talab qilgan. Oleynikning aytishicha, 2013 yil kuzida mamlakatdagi norozilik kayfiyatlari xorijdan moliyalashtirilgan OAV tomonidan avj oldirilgan.