Андижонда 3 ой илгари очилган савдо марказида даҳшатли фожиа рўй берди

Жамият 24 Январь 2017 168730

Facebook ижтимоий тармоғида тўрт сонияли ролик жойлаштирилди. Унда савдо марказида бола кўтарган аёлнинг эскалаторда қоқилиб кетиб, боласини пастга тушириб юборгани акс этган. 

Тахминий маълумотларга кўра, бахтсиз ҳодиса Андижоннинг “Ўзбегим” савдо марказида бир неча кун илгари рўй берган. Видеоролик эса кеча, 23 январь куни ижтимоий тармоққа жойлаштирилди. Бола тўрт қаватли бино баландлигидан ертўладаги кафель устига тушган. Унинг ҳаётини сақлаб қолишнинг иложи бўлмади.

Видео Facebook фойдаланувчилари орасида қизғин баҳс-мунозараларга сабаб бўлди.

Баъзи бирлар фожиада боланинг онасини айблашган. Унинг узун кўйлак кийиб, этагига чалишгани, оқибатда мувозанатни йўқотиб, болани пастга тушириб юборганлигини сабаб қилиб кўрсатишди. Видеода аёл иккинчи қўли билан эскалатордан пастга юриб тушмоқчи бўлаётган иккинчи боласининг қўлини ушламоқчи бўлгани ҳам акс этган. Фойдаланувчилар бундай ҳолатда аёл эскалатордан эмас, замонавий савдо марказларида мавжуд бўлган лифтдан фойдаланиши зарур бўлганлигини таъкидлашди.

Бошқа бир фойдаланувчилар эса бахтсиз ҳодисага эскалаторнинг носозлигини, йўловчилар хавфсизлиги таъминланмаганлигини сабаб қилиб кўрсатишди. Улар бошига оғир мусибат тушган онани муҳокама қилмасликка чақирганлар. 

Kun.uz ушбу ҳолатга ойдинлик киритиш мақсадида Андижондаги “Ўзбегим” савдо маркази маъмурияти билан боғланди. У ерда ўзини таништиришни истамаган суҳбатдош бу маълумотни на тасдиқлаши ва на инкор эта олишини маълум қилди.

Умид қиламизки, бундай бахтсиз ҳодисаларнинг олдини олиш мақсадида савдо марказлари ходимлари фуқаролар хавфсизлигини таъминлашга, эскалатор ҳаракатини назоратга олишга янада жиддийроқ муносабатда бўлишади. 

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар