Qoʻshimcha funksionallar
-
Tungi ko‘rinish
Jahon | 07:45 / 25.01.2017
6613
1 daqiqa o‘qiladi
Tramp ikkita neft quvuri qurilishini qayta boshlashga farmoyish berdi
AQSh prezidenti Donald Tramp Dakota Access Pipeline va Keystone XL neft quvurlari qurilishini qayta boshlash haqidagi farmoyishni imzoladi. Bu haqda Reuters axborot agentligi xabar bermoqda.
Ma'lum bo‘lishicha, neft quvurlari qurilishi atrof-muhit himoyachilarining noroziliklari sababli avvalgi ma'muriyat tomonidan to‘xtatib qo‘yilgandi.
Dakota Access Pipeline neft quvuri qurilishi 3,8 mlrd dollarga aylanadi va u orqali Shimoliy Dakota shtatidan Illinoys shtatiga neft yetkaziladi.
O‘tgan yil noyabrida Shimoliy Dakota hindulari neft quvuri qurilishiga qarshi chiqqanlari ma'lum qilingandi.
