Ўзбекистонликлар Беларусь, Россия ва Қозоғистонга нос олиб кириш тақиқланганидан огоҳлантирилди

Жамият 30 Январь 2017 11830

Ўзбекистон Республикаси Давлат божхона қўмитаси Ўзбекистон Республикасидан Божхона иттифоқига аъзо давлатларга чиқувчи жисмоний шахсларга қаратилган мурожаатни эълон қилди.

«Ўзбекистон Республикаси Давлат божхона қўмитаси Божхона Иттифоқининг Божхона кодексига ҳамда ушбу ташкилотга аъзо давлатларнинг миллий қонунчилигига мувофиқ Беларусь, Россия ва Қозоғистонда Марказий Осиё давлатларида кенг тарқалган тамакининг сочма тури — носни олиб кириш, қайта ишлаш, тайёрлаш ва сақлаш бутунлай тақиқланганини яна бир карра эслатиб ўтади», — дейилади эълонда.

Мазкур тартибларга риоя қилмаган жисмоний шахслар ўзлари бўлиб турган давлатнинг қонунчилигига мувофиқ маъмурий жавобгарликка тортилади ва иш судга оширилади.

Божхона қўмитаси эслатишича, 2016 йилда биргина «Тошкент—Минск» рейси бўйича Беларусга борган Ўзбекистон фуқаролари томонидан мазкур йўналишда 43 та божхона қоидабузарликлари содир этилган ва натижада 100 килограммдан ортиқ носнинг ушбу давлатга олиб кирилишининг олди олинган.

«Шундай экан, юртдошларимиздан ўзлари йўл олган давлатнинг божхона қоидаларига қатъий риоя қилишларини сўраймиз. Бу билан сиз нафақат ўзингизнинг, балки, юртимизнинг шаънини ҳам ҳимоя қилган бўласиз», — дейилади мурожаатда.

Нос, носвой — ўзида никотин сақловчи чекимлик. Унинг асосини тамаки ва сўндирилган оҳак ташкил этади. Носвой асосан Марказий Осиё мамлакатларида тайёрланади ва чекилади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22648 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24744 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12756 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54036 Жамият
Тиббиётдаги энг хавфли 10 жараён
19:31 845 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1121 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 981 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 2525 Спорт
Кўпроқ янгиликлар