Туркиянинг Истанбул шаҳридаги ресторанлардан бирига қуролли босқин уюштирилди.

NTV хабарига кўра, ушбу ҳужум оқибатида жароҳатланганлар бор.

Hurriyet хабарига кўра эса ҳужум оқибатида бир киши ҳалок бўлиб, 2 киши жароҳатланган.

Қайд этилишича, ҳужум Истанбулнинг Осиёдаги қисмида, Босфор бўғози қирғоғидаги Анадўли қалъаси ёнида жойлашган ресторанлардан бирида амалга оширилган.

Эслатиб ўтамиз, Истанбулда 1 январь куни шаҳарнинг Европадаги қисмида жойлашган Reina номли тунги клубига қуролли ҳужум уюштирилган, бу хунрезлик оқибатида 39 киши ҳалок бўлиб, 69 киши жароҳатланганди.

Кейинчалик бу ҳужумни уюштирган шахс келиб чиқишига кўра ўзбекистонлик Абдулқодир Машарипов экани маълум бўлди. У ҳужумдан 16 кун ўтиб, қўлга олинди ва тергов давомида айбига иқрор бўлди.

ИСТАНБУЛДАГИ ҚИРҒИН