AQSh senatori Melaniya Trampning immigratsiya hujjatlarini oshkor qilishga chaqirdi

Kaliforniya shtati senati a'zosi Nensi Skinner (Nancy Skinner) Oq uy AQShning birinchi xonimi Melaniya Trampga tegishli immigratsiya hujjatlarini ko‘rsatishni talab qildi. Bu haqda The Independent nashri yozmoqda.

Siyosatchining bayonoti yangi davlat rahbarining immigratsiya choralarini kuchaytirishiga nisbatan o‘ziga xos javobdir, deb qayd etadi Politico nashri. 

«Tramp atrofidagilarning hech biri prezident rafiqasining qonuniyligini tasdiqlovchi yoki umuman shunday hujjati mavjudligini isbotlovchi biror dalil taqdim etmagan», — deya ta'kidlagan senator. 

Skinnerning yodga olishicha, o‘tgan yilning avgust oyida Tramp va'da berganidek, uning rafiqasi ushbu masala bo‘yicha prezidentlik sayloviga qadar maxsus matbuot anjumani o‘tkazishi kerak edi. Biroq, u tashkil etilmagan. 

Oq uy ma'muriyati senator bayonotiga izoh bermadi.