АҚШдаги яна бир штатда ўлим жазосини ижро этишга рухсат берилди

Жамият 25 Февраль 2017 4051
Фото: Fotolia

АҚШнинг Арканзас штати олий суди штат ҳукуматига 12 йиллик танаффусдан сўнг ўлим жазосини ижро этишни тиклашга рухсат берди. Бундай қарор жума куни чиқарилган.

Рухсат Қўшма Штатлар олий суди Арканзасдаги ўлим жазосини кутаётган маҳбусларнинг ҳимоячилари томонидан берилган шикоятни кўриб чиқишдан бош тортгач, берилди. Штатда ҳаммаси бўлиб саккизта шундай маҳбус бор. Улар Арканзасда 2005 йилда жорий этилган ўлим жазосига вақтинчалик мораторийни чўзишни талаб қилишди ҳамда бундай жазони амалга оширишда қўлланиладиган заҳарловчи модда жиноятчиларга “чидаб бўлмас оғриқ” келтираётганини маълум қилишди. Бундан ташқари, даъвогарларнинг билдиришича, штатда бундай препаратларни тайёрловчи ҳамда сотувчи фирмалар номини ошкор этишга қўйилган тақиқ қонунга хилофдир. 

Суд ўлим жазосини қўллашга рози бўлганидан сўнг, Арканзас бош прокурори Лесли Рутлеж штат губернаторига барча саккиз нафар маҳбусга нисбатан ўлим жазосини ижро этиш муддатини аниқлаш ҳақида расмий мурожаат юборди.

Шу билан бир қаторда, штат ҳукумати олинган рухсатга қарамай, жиноятчиларни инъекциялар учун керакли дори воситаларисиз қатл эта олмайдилар. Associated Press агентлигининг хабар беришича, ҳукуматда бор бўлган “ўлим уколи”га керакли бўлган таркибий қисмлардан бирининг амал қилиш муддати жорий йилнинг 1 январь куни ўз ниҳоясига етди, шунинг учун ундан фойдаланиб бўлмайди. Янги препарат қачон харид қилинишига эса ойдинлик киритилмаган.

Арканзас 2005 йилдан бери мамлакатдаги олий жазога ҳукм қилинганларни ҳаётдан маҳрум этмайдиган жанубий штатлар ичидаги ягонаси бўлиб қолаётганди. Бунга ўлдирувчи инъекция билан қатл этиш борасидаги бир неча йиллар давом этган суд жараёнлари, шунингдек унинг учун керакли бўлган заҳарловчи моддаларнинг етишмовчилиги сабаб бўлган.

Сўнгги йилларда АҚШнинг кўплаб штатлари бундай турдаги заҳарлар етишмовчилиги билан дуч келишди. Бу ушбу моддалар ишлаб чиқарувчи Европа корхоналари уларни АҚШга етказиб беришни тўхтатиб қўйгани туфайли рўй берди – улар ўлим жазосига қарши чиқишмоқда.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17460 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22493 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11418 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12305 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40736 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53001 Жамият
Кун.uz офис изламоқда
15:48 / 06.08.2017 47770 Lifestyle
Янги Android O тизимидан нималар кутиш мумкин?
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 669 Жаҳон
Кўпроқ янгиликлар