Хитойнинг Шэньси вилоятида 6,7 килограмм оғирликка эга ўғил бола дунёга келди. Бу ҳақда "Жэньминь жибао" газетаси ёзмоқда.

Чақалоқ 6 март куни Сиань шаҳрида туғилган. Акушернинг маълум қилишича, бу уларнинг туғуруқхонасида дунёга келган энг оғир вазнли чақалоқдир.

Айни дамда бола ва унинг онаси шифокорлар назорати остида.

Гиннесс рекордлар китобига кўра, сайёрадаги энг оғир вазнли чақалоқ 1879 йилда АҚШда туғилган – 9,98 килограмм бўлган бу бола фақатгина 11 соат яшаган. ОАВнинг хабар беришича, Хитойда катта вазнга эга чақалоқлар туғилиши кўп-кўп учраб туради.