Yevroparlament rahbari: Yevropa ittifoqi ko‘plab xatolarga yo‘l qo‘ydi

Yevropa ittifoqi o‘z faoliyati vaqtida ko‘plab xatolarga yo‘l qo‘ydi. Bu haqda Yevroparlament rahbari Antonio Tayani Rimda Rim shartnomasi imzolanishining 60-yilligiga bag‘ishlangan yig‘ilish ochilishida aytib o‘tdi.

"Biz o‘zimizning Yevropadan charchaganimiz yo‘q, biroq yaxshiroq ishlashimiz darkor. Afsuski, ko‘p xatolar qilindi", - dedi u.

Tayani so‘zlariga ko‘ra, Yevropa ittifoqiga o‘zgarishlar kerak. "Yevropani o‘zgartirish kerak, biroq u yo‘qotilishi kerak emas. Bizga birdamlik har qachongidan ham zarur", - deya ta'kidlab o‘tdi u.

Oliy darajadagi uchrashuvda hamjamiyatning 27 a'zo-davlati vakillari ishtirok etmoqda. Uzoq kutilgan bayram esa Buyuk Britaniyasiz o‘tmoqda, uning aholisi o‘tgan yilning iyun oyidagi referendumda YeI tarkibidan chiqish uchun ovoz berdi. Aynan shu holat yubileyga biroz tushkunlik bag‘ishlab turibdi, biroq davlat rahbarlarining ishonishicha, yig‘ilish hamjamiyat qayta tug‘ilishida muhim o‘rin tutadi hamda uning tarixida yangi sahifa ochadi.